ӘЖЕ – ҰЛТТЫҚ ТӘРБИЕНІҢ ҚАЙНАР КӨЗІ

       №10 «Қайнар» мектеп-гимназиясы» коммуналдық мемлекеттік мекемесінде «Әже – ұлттық тәрбиенің қайнар көзі» тақырыбында тағылымы мол дөңгелек үстел өткізілді. Іс-шараның басты мақсаты – ұлттық тәрбие мен салт-дәстүрді дәріптеу, әжелердің өнегелі өмір тәжірибесін жас ұрпаққа үлгі ету.

      Дөңгелек үстелге мектеп оқушыларының әжелері арнайы шақырылып, олар өз өмірлік тәжірибелерімен бөлісіп, ұлттық тәрбиеге қатысты құнды ой-пікірлерін ортаға салды. Әжелер бала тәрбиесінде үлкендердің ақыл-кеңесі мен өнегелі сөзінің маңызы зор екенін айтып, салт-дәстүр мен ұлттық құндылықтарды сақтаудың қажеттілігіне тоқталды.

        Кездесу барысында қатысушылар арасында еркін пікір алмасу болып, ұлттық тәрбиенің мәні, отбасыдағы үлкендердің орны және әженің тәрбиедегі рөлі кеңінен әңгіме арқауына айналды. Әжелер өздерінің өмірден түйген тағылымды ойларын айтып, жастарға ақыл-кеңестерін берді.

         Мазмұнды өткен дөңгелек үстел қатысушыларға ерекше әсер қалдырып, ұлттық құндылықтарды дәріптеудің маңызын тағы бір мәрте айқындай түсті. Мұндай тағылымды кездесулер ұрпақтар сабақтастығын нығайтып, жас буынның бойына ұлттық рух пен адамгершілік қасиеттерді сіңіруге ықпал ететіні сөзсіз.

Г.ДЖИЛКИБАЕВА,

№10 «Қайнар» мектеп-гимназиясы» КММ информатика пәні мұғалімі.

А.АДИЛБЕКОВА,

№10 «Қайнар» мектеп-гимназиясы» КММ шетел тілі пәні мұғалімі.

Жетісай ауданы.