ЖАҢА ТЕХНОЛОГИЯ ШАРУАЛАР ҮШІН ЖАН-ЖАҚТЫ ТИІМДІ

          Ағын су көздерін технологиясын тиімді пайдаланудың жаңа технологиясын ендіру арқылы мол өнімге қол жеткізу мақсатында биылғы жылы Мақтаарал ауданы бойынша 340 гектар аумаққа қырыққабат, 441 гектар жерге бақша және 500 гектар мақта алқабына тамшылатып суғару технологиясы енгізілген болатын.

         Осы технологияның тиімділігін шаруаларға жан-жақты түсіндіру мақсатында «Хамро Ата» шаруа қожалығының егістік алқабында ауданның шаруа қожалықтарының қатысуымен семинар-кеңес болып өтті.

         Осы семинар  барысында негізгі назар –  ауданымызда жаңадан қытайлық тамшылатып суғару технологиясы әдісімен 500 гектар жерге жүйек арасы 60-70 сантиметр етіліп егілген мақталықтың тиімділігіне аударылды. Сонымен қатар, семинар барысында тамшылатып суғару технологиясын енгізген шаураларға мемлекет тарапынан кеткен шығынның 80 пайызы субсидияланатыны, бұған қандай құжаттарды туралау керектігі туралы аудандық кәсіпкерлік және ауыл шаруашылығы бөлімінің мамандары шаруаларға жан-жақты түсіндіріп берді.

         Шаруаларға осы технологияның тиімді жақтарын қарастыру мақсатында өткен осы семинар-кеңеске Қытай мемлекетінен келген компания өкілдерінен бөлек, отандық өнім өндіруші болып саналатын «BNK group» ЖШС мамандары тарапынан қажетті құрылғыларды сатып алу бойынша пайдалы кеңестер берілді.

С.ҚУАНЫШБЕК, Мақтаарал ауданы.