АУДАН БАСШЫСЫ ҚОҒАМДЫҚ ҚАБЫЛДАУ ӨТКІЗДІ
Posted by: Қалмұрат
in News, PRESS RELEASE, Билік, Саясат
10/07/2024
25 Views
Жетісай ауданының әкімі Серік Үсенұлы Мамытов «AMANAT» партиясының Жетісай аудандық филиалы ғимаратында аудан тұрғындарына арыз-өтініштері бойынша қоғамдық қабылдау өткізді.
Аудан басшысының осы қабылдауына «AMANAT» партиясы Жетісай аудандық филиалының атқарушы хатшысы Асқар Қайназаров пен аудандық мәслихаттың төрағасы Медет Қасымов, аудан әкімінің орынбасарлары, білім, денсаулық сақтау саласы мен құқық қорғау органдары басшыларының орынбасарлары, бөлім басшылары мен қала, бірқатар округтердің әкімдері де қатысып, тұрғындардың өз салаларына қатысты сауалдарына жауап беріп отырды.
Қоғамдық қабылдауға жазылған тұрғындардың басым бөлігі тұрғылықты жерлеріндегі көше жөндеу жұмыстары мен түнгі жарықтандыру, ауыз су, қоғамдық орындардағы қауіпсіздік пен тазалық, балабақшалардағы бүлдіршіндердің денсаулығы бойынша арыз-шағымдарын жеткізіп, шешілу жолдарын бірге талқылады.
Осы қоғамдық қабылдау барысында тұрғындар тарапынан айтылған мәселелер бойынша оларға құқықтық кеңестер беріліп, аудан әкімі тарапынан жауапты сала басшыларына хаттамалық тапсырмалар берілді.
Б.НАЙМАНОВ.
2024-07-10
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
