ӘЛИЯ – СОҒЫС ҚҰРБАНЫ

         Ұлы Жеңіс мерекесіне орай, жуырда біздің кітапханамызда Кеңес Одағының батыры Әлия Молдағұлованың (1924-1944ж.ж.) туғанына 100 жыл толуына орай, белсенді оқырмандармыздың қатысуымен «Әлия – соғыс құрбаны» атты танымдық кеш ұйымдастырылды.

         Рухани маңызы ерекше осы кештің мақсаты: оқырмандарға Әлия Молдағұлованың өжеттілігі, қайсарлығы, ерлігі туралы әңгімелеп беру, сондай-ақ, Әлияша елін, жерін сүйетін, тәуелсіз еліміздің патриоты болатын ұл-қыздарды тәрбиелеу болды.

          Іс-шарамыздың кіріспе бөлімінде, «Биыл ерлігімен есінде қалған қазағымның қаһарман қызы Әлия Молдағұлова  100-ге толып отыр.  Әлия – ғасыр аруы  атанып, жиырма бірінші ғасырдан аттанған тұлғалардың бірі. Ол әлі тәуелсіздік туын көтерген еліміздің ұрпақтарына ерлігімен үлгі ұлы жүрегімен достық  дәнекері бола береді. Екі ғасыр өлшеміне өткен Әлияны туған елі ғасырлар бойы ұмытпайды» дей отырып, оқырмандарға қазақтың батыр қызы туралы құнды деректер айтым. Сонымен бірге оқырмандар Әлия Молдағұлова арналған кітап көрмесімен таныстырылды. Өз кезегінде оқырмандар да, қазақтың батыр қызы туралы өз білімдерін бөлісті.

С.АБЕНОВА,

Абай ауылы филиал №10 кітапхана меңгерушісі.

 Жамбыл ауылдық округі.