ҒИБРАТТЫ КЕЗДЕСУ

       Біздің білім ордамызда оқушыларымызды отаншылдыққа, мейірімділікке, ұлтжандылыққа тәрбиелеу мақсатында – осы мектепті бітіріп, қазіргі уақытта еліміздің дамуында өзіндік үлесін қосып жүрген танымал түлектерге арналған » Парасатты азаматтар» жобасы 8 жылдан бері жұмыс атқарып келеді.

           Оқушыларға  мектептің танымал түлектерінің бірі белгілі  кәсіпкер, өз ісінің шебері Мамытов Нұржанмен кездесу ұйымдастырылды. Кең жүректі, бірнеше балалар үйі мен спорт мектептеріне, қарттар үйіне демеушілік жасап жүрген, Қазақстанның ірі бірнеше компаниялардың иесі, Шымкент қаласындағы » Кемел адам » мектебінің құрылтайшыларының бірі Нұржан мырза оқушыларға қазіргі уақытта Қазақстанның дамуына байланысты өзінің атқарған жұмыстарын таныстыра отырып, оқушыларға қазіргі таңдағы жаңа мамандықтардың тізбесімен таныстырды.Жұмысының жоба барысында 44 мемлекетте болғанын айтты. Оқушыларды ең бірінші білімді болуға, мақсатына жету үшін табанды болуға шақырды.

          Айта кетерлігі, оқушыларға осы бағыт аясында мектептің танымал түлектері – профессор Полат Қазымбетұлымен, ауған соғысының ардагері Жомарт Бақтыбаевпен, жазушы- журналистер Қаныбек Әбдуеевпен, Тамара Даулетбаевамен, Қалмұрат Даулетбаевпен, доцент Нұрлыбек Жұматаевпен кездесулер ұйымдастырылды. Маңызы ерекше осындай әрбір кездесулер оқушылардың мектеп бітіргенде олардың мамандық таңдауына үлкен септігін тигізетіні анық.

Гүлнара ДӘУЛЕТБАЕВА,

Қ.Дәрімбаев ЖББМ- ның директордың тәрбие орынбасары. Жетісай ауданы.