БАЛАЛАРДЫҢ ДЕМАЛЫСЫН ТИІМДІ ПАЙДАЛАНУ – БІЗДІҢ МАҚСАТЫМЫЗ

        Есік қаласындағы техникалық шығармашылық және кәсіби бағдар беру орталығы  биылғы жылдан бастап көптеген үйірмелер ашылып бастады. Бүгінде мектептерде үйірме жұмыстары жандана бастады, соның бірі де Екі мыңға жуық баланы тегін үйірмемен қамтамассыз етіп отырған аталмыш орталықта робототехника, туризм, шешендік өнер, аспазшы, шаштараз, шахмат, үстел тенисі сықылды біраз кәсіптік мамандықтар бар. Күзгі балалардың демалыстық уақытын тиімді пайдалану мақсатында Есік қаласының ТШО-сы бір жетілік «каникулдық мектеп» жобасын бастады.

       Бірінші күні шахматтан  7-15 жас аралығындағы балалар арасында жарыс өткізілсе екінші үшінші күндері, шешенді өнер, туризм, үстел тенисі, шашкиден  аудандық көлемінде,  жарыс өткізілді. Балалардың уақытын қызықты өткізуге тырысқан мұғалімдердің еңбегі ақталғандай.

          Зура Құлмағамбетқызы, Еңбекшқазақ аудандық білім бөлімі әдіскері:

       Еңбекшіқазақ ауданында осындай шығармашылық орталықтың 5еуі болса, Есік қаласында біреу қалғаны басқа елді мекендерде. Бүгінгі жарыс нәтижелі болды, болашақта тағы балалардың қабілетіне, оқушылардың көбейуіне  қарай осындай үйірмелер саны  артады деп үміттенеміз.

         Балалардың күздік бір апталық демалысын тиімді пайдаланып, әр түрлі жарыстар атап айтқанда, бірінші күні шахматтан екінші күні шешендік өнер мен робототехникадан, үшінші күні жас экологтар мен шашкиден балалар арасында кішігірім сайыстар өтті. Аудандық көлемді қамтыған бұл жарыста Есік қаласындағы Сәтбаев, Раймбек, Абылайхан тб орта мектептері мен Мейірім жеке ақылы мектеп оқушылары, Аймен, Рахат, Бәйтерек, Ават  ауылынан келген балалар да бақ сынады.  Оқушылардың шахматқа деген қызғыушылғын ескере  ТШО басшылығы алдағы уақытта осындай турнирлерді тұрақты түрде өткізуді жоспарлап отыр

         «Бұл біздің бір ғана жарысымыз, осындай жарыстарды бірнеше күнге қойып отырмыз. Мәселен шешендік өнер мен туризмтанушылар, сондай ақ жас журналистер үйрірмесінің оқушылары арасында қызықты кештер ұйымдастырылмақшы» -, дейді  Есік қаласы ТШО директоры Шынар Айтбаева.

        Оқушылармен қатар келген ата-аналар қарасы да көп болды. Сондай ата-ананың бірі бізге шахмат спортының балаға қандай әсері болатындығын бөліскен болатын.

       Гүлнәр, ата-ана:

        Есік қаласында тұрамыз. Жарысқа екі баламды әкелдім. Үлкені жетіде, кішісі бесте. Ер балалар болған соң басында арт спортпен таеквондаға бердім, кейін осы үйірменің қасында шахматқа да қатыстырып көрейін деп едім, шешімім өте дұрыс болыпты.  Себебі кішкетайым өте тынымсыз еді, қолды аяққа тұрмайтын. Осы шахматқа барғалы сабырлылықты үйреніп жатыр. Шахмат спорты сабырлылықпен қатар, алдын ала жоспарлап барып жүруді де үйретеді екен. Жасы кіші болса да бір сабақты қалдырмайды.

Жарыс соңында жүлделі орын иеленгендер арнайы марапаттармен марапатталды. Орындардан бөлек ынталандыру сыйлықтары да табыс етілді.  

Аида КОЖМАМБЕТОВА.