IT-МАМАНДАРҒА АРНАЛҒАН АУҚЫМДЫ «DATATHON 2023» ХАКАТОНЫ ӨТЕДІ

           2023 ж. 14-15 қазанда деректерді құру және модельдеу, жасанды интеллект енгізу және үлкен деректер негізінде аналитикалық кейсті жүзеге асыру бойынша IT-мамандарға арналған ауқымды «Datathon 2023» Хакатоны өтеді. «ҰАТ» АҚ компаниясы жас мамандардың креативті шешімдерін сатып алуға дайын.

Іс-шараның басты мақсаты – Smart Data Ukimet мемлекеттік жобасына талантты жас мамандарды мен олардың шешімдерін тарту.

Хакатон 3 бағыт бойынша оффлайн режимінде өтеді, олардың әрқайсысында әр бағыт бойынша оңтайлы шешім табу қажет.

18 жастан асқан барлық IT мамандар, тіпті командалар қатыса алады (бір командада 4 адамнан). Өтінімдер 10 қазан сағат 23.59-ге дейін қабылданады.

Жалпы жүде қоры: 3 000 000 теңге. Әр тапсырма бойынша 1 орын үшін жүлде – 1 000 000 теңге.

Қатысу үшін осы сілтемеге өтуге болады.

          Сарапшылар жұмыстарды үш критерий бойынша бағалайды: дұрыс жауап, шығармашылық шешім және үлкен деректермен жұмыс.

          Хакатон қорытындысы 2023 ж. 15 қазанында жарияланады.

          Байланыс үшін: +7 775 653 56 60 Айбек Аширбеков.

          Smart Data Ukimet (SDU) — мемлекеттік органдардың ақпараттық жүйелерінде жинақталатын деректерді жинауға, сақтауға және кешенді талдауға арналған ақпараттық-талдау жүйесі. Бүгінгі таңда SDU-да мемлекеттік деректер базасының 77 көшірмесі бар.

          2022 жылы SDU жобасы DAMA Kazakhstan – «Мемлекет деңгейінде деректерді басқаруды дамытуға қосқан үлесі үшін» номинациясын жеңіп алды. Жоба кәсіпқойлардың үлкен қызығушылығын тудырды, ол күрделі ковидтік кезеңдерде Қазақстанға үлкен пайда әкелді, мемлекеттік деңгейде деректерді талдау мен басқарудың маңыздылығын арттырды.

«ҰАТ» АҚ Қоғаммен байланыс басқармасы.

www.nitec.kz