ӘЛЕМ ЧЕМПИОНАТЫНЫҢ КҮМІС ЖҮЛДЕГЕРІН МАРАПАТТАДЫ

             Украинаның Харьков қаласында спорттың панкратион түрінен өткен әлем чемпионатында Түркістан облысы, Мақтаарал ауданы, Мырзакент кентінің тумасы Нұрғиса Нажимидин +100 келі салмақ бойынша ІІ орынды жеңіп алып, Қазақстанның ерлер құрамасының қоржынын күміс медалмен толықтырып еді. 

            Бүгін аудан әкімі Бақыт Асанов жас спортшыны қабылдап, ауданның демеушілерінің атынан 100 мың теңге сыйақы мен сый-сияпаттар беріп, арнайы марапаттады.

          «Еліміздің атын асқақтататын сендей жастарымыз көп болса — еліміздің болашағы бұдан да жарқын боларына сенімім мол. Әрқашан осы бетіңнен таймай үлкен қажыр-қайратыңмен еңбектеніп, әлемдік додаларда көк байрағымызды желбірете беруіңе тілектеспін!» — деді Бақыт Насырханұлы.

          Марапаттау шарасына спортшының әкесі Иса Нажимидинұлы, ауданның дене шынықтыру және спорт бөлімінің басшысы Жандарбек Татеев, №1 жасөспірімдер мен балалар спорты мектебі директорының орынбасары Бақыт Есенов, спортшының жаттықтырушысы Нұржан Қарабаевтар қатысты.

          Айта кетейік, Н.Нажимидин 2003 жылы туылған. Ағымдағы жылдың 31 наурыз — 5 сәуір күндері панкратионнан өткен Қазақстан Республикасының чемпионатына Мақтаарал ауданының құрамасы атынан қатысып, мұнда да ІІ орыннан көрінді. Осылайша әлем чемпионатына жолдама алған болатын.

Мақтаарал ауданы әкімдігінің баспасөз қызметі.