16 балық шаруашылығы субъектілері балық аулаумен айналысады

Балқаш аудан көлемінде 16 балық шаруашылық субъектілері балық аулаумен тұрақты түрде айналысады. Іле өзенінің аңғарлары мен Балқаш көлінде балық аулаудың қыр-сырын жетік меңгерген балықшылар қауымына «2020 жылдың 1 шілдесі мен 2021 жылдың 1 шілдесі аралығында жануарлар дүниесі объектілерін алып қою лимиттерін бекіту туралы «Қазақстан Республикасы экология, геология және табиғи ресурстар министрінің 2020 жылғы 5 маусымдағы №133 бұйрығына сәйкес 4578 тонна балық аулау көлемі бөлініп берілген.

Өзен аңғары мен Көкше теңіз бетінен маржан сүзген балықшылар қауымы бүгінгі таңға дейін 2868, 5 тонна балық аулап, бюджет қоржынына 50984 мың теңге құйып, меже биігінен көрінуде.
«Сүзіп алда сата бер» деген пиғылдан аулақ болған балық шаруашылықтары өзен-көлдердегі балық қорын көбейту бойынша 354294 дана балық шабақтары жіберіліп, нәтижесінде 11,414 84 теңге бюджет қорына құйылған.

Балқаш ауданы әкімдігінің баспасөз қызметі.