АРМАНДАР ОРЫНДАЛАДЫ

      Жақында Р.Тоқатаев атындағы орта мектепте 10-11 сынып оқушыларын ҰБТ-ға педагогикалық-психологиялық түрғыдан дайындау мақсатында «Армандар орындалады» атты тренинг өткізілді.

        Өткізілген осы маңызды шараның мақсаты – оқушылардың бойында іс-әрекетке ерік-жігерді ынталандырушы ретінде арман туралы түсініктерді қалыптастыру. Достық жайлы атмосфераны, топтың жағымды эмоционалдық бірлігін қалыптастыру, армандауға деген құштарлықты дамыту, балалардың қиялын, шығармашылық және әлеуетін дамытуға, әр баланың даралығын ашуға ықпал ету. Оқушыларға мамандық таңдау мен алдағы өмірлеріне қажетті таңдау жасаулары үшін қажетті бағыт-бағдар беру, өмірлері үшін маңызды таңдауды дұрыс жасауларына пайдалы кеңес беру болды.

        Жоғары сынып оқушылары үшін маңызы ерекше бұл тренингте  –оқушылар өзара сәлемдесіп болған соң, «Айналаңдағылардың бәрін айналдыр» жаттығуын жасады. Оқушылармен әңгімелесіп болған соң, «Армандар елі» статистикалық медитациясы, «От шашуға ұқсайтын армандар» проекциялық жаттығуы жасалды. Сондай-ақ, «Арманыңды анықта» жаттығуы, «Торғайдың арманы туралы» ертегісін қарау және талқылау, «Армандар әртүрлі» және «Армандар пирамидасы» ойындары ойналды. Бұдан бөлек «Армандар кемпірқосағы» арт-терепиялық техникасы да  жүзеге асырылды.

        Осы іс-шараның барысында оқушылар тренингке белсене қатысып, өздерінің ойға алған арман-мақсаттарын толығымен қалыптастырды. Өздерінің болашақтары жайлы айтып, армандарымен бөлісті. Осылайша тренингке белсене қатысып, мамандық таңдауыға бағыт-бағдар алып, өмірдегі  қажетті таңдауды дұрыс жасауына кеңес алды. Тренинг барысында оқушылардың көңіл-күйлері көтеріңкі болып, психологиялық ахуал қалыптастырылды.

        Оқушыларды ҰБТ-ға педагогикалық-психологиялық тұрғыдан дайындауға арналған тренингіміздің соңында рефлекция жасалып, «Күлкіңді шеңбер бойымен өткіз» жаттығуы жүзеге асырылды.

Кумарбекова Шолпан Маметкалиевна,

 “Р.Тоқатаев атындағы орта мектеп” КММ педагог-психологы.

 Есік қаласы.