«ТӘУЕЛСІЗДІК КҮНІ» — ҰЛТТЫҢ ҰЛЫҚ МЕРЕКЕСІ!

        Армысыздар, қадірлі жерлестер, ардақты отандастар, зиялы әріптестер!

       Сіздерді, барша арманымыздың асқары, бақытымыздың бастауы болған ұлық мерекеміз — Тәуелсіздік күнімен шын жүректен құттықтаймын!

       Тұғыры — тыныштык, тірегі тұрақтылық, тілегі татулыққа негізделген Қазақ Елін бүгінде әлем бейбітшілік бесігі деп мойындайтыны ақиқат. Ынтымақты ұран, татулықты ту еткен бейбіт халқымыздың осынау жылдарда бағындырған белестері орасан.

    Бұл — «Тәуелсіздік күні» бар ғұмырын бостандық үшін күреске арнаған боздақтардың жанкешті еңбегі мен ерен ерлігін еске алатын ұлтымыз үшін қастерлі де ұлық мереке.

       Тәуелсіздік — тәуекелі жеткендердің ғана пешенесіне бұйыратын бақыт деп білемін. Ол кешегі бабаларымыздың асқақ ерлігінің рухын бойға жиған, ертеңгі ұрпағына алтынкөпір жол салған замандастарымыз сіздердің еселі еңбектеріңіздің жемісі.

       Құрметті партияластар!

        Баршаңызға зор денсаулық, шаңырақтарыңызға шаттық, берекелі бірлік, мерекелік көңіл-күй тілеймін!

       Тәуелсіздігіміз тұғырлы, елдігіміз ғұмырлы, мәңгілік еліміздің келбеті сәнді, еткен еңбегіміз мәнді болсын!

        Құрметпен,  Смағүлов Қайрат Қанатұлы,

«Ауыл» партиясы Абай облысы бойынша өңірлік филиал төрағасы.