Жетісай қаласындағы орталық саябақта 1 шілде – Ұлттық домбыра күні аталып өтті.
Ұлы даланың төсінде ерте заманнан бері халқымызбен бірге жасап келе жатқан ұлттық аспабымыз – қасиетті домбыра күнін атап өтуге ҚР Мәдениет қайраткері, «Құрмет» орденінің иегері, Құрманғазы атындағы Қазақ ұлттық консерваториясының «Құрметті профессоры», күйші-сазгер Бөрі Иса бастаған Жетісай аудандық мәдениет үйі жанындағы «Жетісай сазы» халықтық ұлт-аспаптар оркестрі және аудандағы шығармашылық өнер мектептері белсене қатысып, қазақтың қасиетті домбырасы арқылы өз өнерлерін көрсетті.
Сонымен қатар, мерекелік іс-шараға арнайы қатысқан «AMANAT» партиясы Жетісай аудандық филиалының атқарушы хатшысы Асқар Қайназаров аудан тұрғындарын 1 шілде – Ұлттық домбыра күнімен құттықтап, өзінің ізгі тілегін білдірсе, Жетісай аудандық мәдениет үйінің басшысы Перизат Тажибаева концерттік бағдарламада өнер көрсеткен аудандағы шығармашылық өнер мектептерін алғыс хаттармен марапаттады.
