СИҚЫРЛЫ ПІШІНДЕР

Б/М: Мақсаты: Балаларға өздеріне таныс дөңгелек, шаршы және үшбұрыш сияқты геометриялық пішіндерді бір бірінен ажырата білуге үйрету. Айырмашылығын және ұқсастығын ажырата білуге үйрету.
Ой қабілеттерін дамыту.
Мұқияттылықты тәрбиелеу.

Әдіс тәсілі: көрсету, түсіндіру, үйрету, ойын, сұрақ жауап.
Көрнекіліктер: суреттер

Мотивация:
Шаттық шеңбер
Тәрбиеші: Кәне, балалар, шаттық шеңберге тұрамыз
Армысың, алтын күн!
Армысың, көк аспан!
Армысың, жер ана!
Армысың, жан досым!
(Балалар шеңберге тұрып, өлең сөздерін қайталайды)
— Балалар, бір бірімізге «сәлем» дейміз(балалар бір бірімен амандасады)

Тәрбиеші:- Балалар пішіндер туралы білгілерің келе ме ? (Иә)
Балалар, міне дөңгелек. Ол неге ұқсайды? (Допқа)
Дұрыс, допқа ұқсайды және көліктің доңғалағына. Қараңдаршы: дөңгелек домалайды.
— Ал мынау ұшбұрыш. Ұшбұрыш неге ұқсайды? ( Пирамидаға, үйдің шатырына).
Балалар, сендер білесіңдер ме, Ұшбұрышты неге ұшбұрыш деп атаған? Ұшбұрыштың ұш бұрышы бар. Кәне санаймыз: бір, екі, ұш. Ұшбұрыш домалай алмайды, өйткені бұрыштар бөгет жасайды.
— Ал мынау пішін: шаршы. Терезеге немесе үйге ұқсайды. Шаршының төрт бұрышы бар. Олда домалай алмайды, өйткені шаршының да бұрыштары бөгет жасайды.
— Жақсы, балалар, ал енді екінші тапсырма.
— Балалар, менде бірнеше суреттер бар. Олар қандай пішіндерге ұқсайтының табу керек.
Тақтаға пішіндердің суреттері ілінеді. Балалар бір суреттен алып пішіндердің астына жабыстырады.
Мысалы: алма — дөңгелектің астына, ал пирамиданы — ұшбұрыштың астына.
— Жарайсыңдар, балалар!
— Балалар шаршаған шығарсыңдар, ендеше бойымызды сергітіп алайық.
Сергіту сәт:
Күн ашылды,
Бұлт төнеді,
Найзағай тарсылдады,
Жел соқты,
Жаңбыр жауды,
Жел басылды,
Күн ашылды.
— Жақсы, балалар, жарайсыңдар. Бізде тағы бір тапсырма бар. Біз қазір ойын ойнаймыз.

Ол тапсырмамыз біздің « Өз орынына жапсырып шық» деген екен.

Кәне орынымызға барып тапсырманы орындайықшы.

Тәрбиеші:Жарайсыңдар  балалар.

Сендер барлық тапсырмаларды жақсы орындағандарың үшін сендерге пішіндерге ұқсас кәмпиттер береиін.

Рефлексия:
— Дөңгелекке не ұқсайды? (алма, доп)
— Ұшбұрышқа ше? (пирамида)
— Шаршыға ше? (Терезе)
— Бұл барлығы геометриялық пішіндер. Жақсы, балалар, жарайсыңдар. Ал енді айтыңдаршы, сендерге бүгінгі сабақ ұнады ма? (Иә)

Орынкул ЕСЕНТАЕВА,

«Жолбарыс ата» бөбекжай-балабақшасының тәрбиешісі.