Жуырда Атакент ауылдық жасөспірімдер кітапханасында жас оқырмандардың қатысуымен 15 мамыр – Халықаралық отбасы күніне орайластырылған «Отбасы өмір аясы» атты тақырыпта дөңгелек үстел болып өтті.
Барлық санитарлық талаптар сақталып өткізілген бұл шараның мақсаты – отбасы мүшелерінің арасындағы бауырмалдық, қайырымдылық қатынастарын нығайту, жас буыннан ата-анасын сыйлай білетін азамат тәрбиелеп шығару, отбасы құндылықтарын арттыру.
Дөңгелек үстелді «Отбасы құндылығы-сарқылмас қазына» атты кіріспемен кітапханашы Б.Ырыспанова бастап берді. Екінші кезекте қонақтар «Отбасым-менің бақытым» атты тақырыпта өзара пікір алмасты. Маңызды тақырып тереңінен қозғалып отбасылық құндылықтар туралы құнды ой-пікірлер айтылды.
Қорытынды бөлімде мен іс-шараға шақырылған жастарға – «Отбасы өмір аясы» кітап көрмесімен таныстырып библиографиялық шолу жасадым. Олардың бүгінгі шараға қатысты қойған сауалдарына жан-жақты жауап бердім. Ал шара соңында осы іс-шараға қатысқандары үшін өз алғысымды айттым.
Ә.ОРАЗБЕКОВА,
Атакент ауылдық жасөспірімдер
кітапханасының меңгерушісі.
