КОМИССИЯ ТӨРАҒАСЫНЫҢ ОРЫНБАСАРЫ ЕЛДІМЕКЕНДЕРДІ АРАЛАДЫ
Posted by: Қалмұрат
in News, PRESS RELEASE, Өзекті мәселе, Саясат, Табиғи апат
03/02/2023
21 Views
Ауданымыздағы төтенше жағдайлардың алдын алу және жою жөніндегі комиссия төрағасының орынбасары Бейсенбай Төребеков елдімекендерді аралап, арық-атыздар мен ирригациялық жүйелерді тазалау жұмыстарымен танысты.
Жыл сайын қысқы сор шаю жұмыстарының және көктемгі жауын-шашынның салдарынан жер асты суы деңгейі көтеріліп, әсіресе ауданда Мақтаарал ауылдық округі мен Атакент кентінде тұрғын үй аулаларын су басу жағдайлары жиі орын алып жатады. Ең алдымен Бейсенбай Тасболатұлы аталған елдімекендерге барып, жағдайдың тұрақты екеніне көз жеткізді.
Комиссия төрағасының орынбасары қазылған арықтар мен жаңадан салынған латоктардың су өткізгіштік қабілетін зерделеп, округ және кент әкіміне ирригациялық жүйелер толықтай тазалануы керектігін атап өтіп, нақты тапсырмалар берді, төтенше жағдайды болдырмау керектігін қатаң ескертті.
Қазіргі таңда аудандағы 50 елдімекенде 258 көшенің бойындағы жалпы ұзындығы 21,2 шақырым лотоктар, 127 шақырым арық-атыздар, 32 шақырым қашыртқылар және көпір астындағы құбырлар тазаланды.
Сондай-ақ, аудандық адами әлеуетті дамыту бөлімінің ұйымдастыруымен де білім беру ұйымдарының аумағындағы арық-атыздарды тазалау жұмыстары жүргізілуде. Бұл іс-шараға жалпы аудан аумағындағы 56 мектептің барлығындағы техникалық қызметкерлер жұмылдырылған.
Мақтаарал ауданы әкімдігінің баспасөз қызметі.
Мақтаарал ауданы Сақтық шаралары Су тасқыны қаупі 2023-02-03
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
