ЖЫРЛАЙДЫ ЖҮРЕК

Жуырда Атакент ауылдық жасөспірімдер кітапханасының ұйымдастыруымен халқымыздың ақиық ақыны Мұқағали Мақатаевтың туғанына 90 жыл толуына арналған «Жырлайды жүрек» атты әдеби-сазды кешін өткізді.

Сазды кеш кітапхана ұжымы мен белсенді оқырмандардардың қатысуымен санитарлық сақтық шараларын қолдана отырып өткізілді.

Ақиық ақынның өмірі мен шығармашылығын арналған кешті  кітапханашы Б.Ырыспанова жүргізіп отырды. Алдымен ол ақынның өмірі мен шығармашылығына тереңірек тоқталды.

Екінші кезекте кітапхананың тұрақты оқырмандары ақынның өлеңдерін жатқа оқып берді. Атап айтсақ  кітапхананың тұрақты оқырмандары – Еркін Жансұлу, Сапарбай  Гүлназ, Молдамұрат  Бағнұр, Сапабай Нұрасыл, Құрбан Гүлбаушандар ақынның  – «Сауығып келем», «Бақыт деген», «Үш бақытым», «Фантазия», «Отан» өлеңдерін жатқа оқыды. Ал, үшінші кезекте көпшіліктің өтінішіне байланысты менде ақынның елге танымал сүйікті  «Фариза қыз» атты өлеңін орындап бердім. Сондай-ақ,  мәдени шараға жиналғандарға «Жырлайды жүрек» атты кітап көрмесін таныстырып, библиографиялық шолу жасадым.

Кешті Атакент мәдениет үйінің меңгерушісі Қ.Ізбаева қорытындылап, бұл мәдени шараның өте жоғары деңгейде өткендігін айтып, ұйымдастырушыларға  өз алғысын білдірді.

Ә.ОРАЗБЕКОВА,

Атакент ауылдық жасөспірімдер

кітапханасының меңгерушісі.