ДЖО БАЙДЕН ӨЗ ЖАҚТАСТАРЫНА ҮНДЕУ ЖАРИЯЛАДЫ

Демократ Джо Байден өз жақтастарын өзінің федералдық қаржыландыруға қол жеткізгенге дейін оның өтпелі кезеңдегі командасын қолдауға қаражат жолдауға шақырды. «Президент Трамп сайлауда жеңілгенін мойындаудан бас тартып, биліктің ауысуын кейінге қалдырғандықтан, біз бұл процесті өзіміз қаржыландыруымыз керек және сіздің көмегіңізге мұқтажбыз. Егер мүмкіндіктеріңіз болса, Байден-Харристің ауысу тобын қаржыландыруға қаражат жіберсеңіздер», — деп жазды Байден Твиттерде.

Бұған дейін Джо Байден, өзін сайланған президент ретінде мойындамайтын Дональд Трамп әкімшілігіне қарсы сот ісін бастайтынын да жоққа шығармаған еді. Өз кезегінде Дональд Трамптың адвокаттары, демократтар Қытай, Венесуэла және Кубаның «коммунистік ақшасының» арқасында жеңіске жетті деп мәлімдеді. Атап өтерлігі, Дональд Трамптың Джорджия штатында жеңіліске ұшырағаны ресми түрде жарияланған болатын. Миллиондаған сайлау бюллетендері қайтадан қолмен саналып болған соң, осы штаттың мемлекеттік хатшысы,  Д.Трампың сенімді жақтасы  саналатын Брэд Раффенспергердің өзі  Джо Байденнің жеңісін жариялай отырып, «Сандар алдамайды»-деді. Осы жайға қарамастан АҚШ-тың қазіргі 45-ші президенті Д.Трамп өзінің жеңілісін мойындауға асығар емес.