БАЛАБАҚША – БАҚЫТ МЕКЕНІ

Өсіп келе жатқан баланы тәрбиелеудің алғашқы мектебі – отбасысымен қатар балабақша болып табылады десек қателеспейміз. Балабақша бала үшін тұтас әлем, мұнда ол сүюді, шыдауды, қуануды, жанашырлықты, мейірімділіктцің не екенін түсінеді. Егер ол отбасында әке-шеше, бауырларымен алғашқы қарым-қатынас тәжірибесін алса, балабақшада өзі қатарлас балалармен араласуды, көпшілікпен тіл табысуды үйренеді.

Осыны жақсы түсінетіндіктен әр ата-ана баласының ең жақсы балабақшаға барып үздік тәрбие алғанын қалайтыны сөзсіз. Десекте әр балабақша ол бір кішігірім мемлекет секілді. Әр балабақшаның өзіндік тәртіптері мен заңдары бар. Баланы балабақшаға бергенде сол жағын да ескеру қажет. Кей жағдайда ол да маңызды рөл атқарып кетеді.

Бүгінгі таңда мектепке дейінгі мекеме балаларына үздіксіз тәрбие мен білім беру келешек ұрпақтың еркін дамуына, жан- жақты білім алуына, белсенді, шығармашыл болуына тікелей әсер ететін балабақша мен тәрбиешілері. Осыған орай мектепке дейінгі мекемелердің тәжірибесіне оқыту мен тәрбиелеудің әртүрлі технологиялары енгізілуде. Баланың логикасын дамытуға да өте үлкен көңіл бөлініп жатыр. Бұлар баланың алдағы өмірінде көп пайдасы тиетіндігі үшін жасалып жатқан қадамдар.

Тоқсан ауыз сөздің тобықтай түйіні – «Ағаш түзу өсу үшін оған көшет кезінде мән беру керек». Сондықтан, алдымызға келген әрбір бүлдіршінге балабақшадан бастап тәлім-тәрбие бері, оны ұлтжандылыққа тәрбиелеуіміз қажет. Себебі балабақша – бақыттың ең бірінші баспалдағы болып табылады.

Усербаева Гульшат Ширнебаевна,

МКҚК «Наурыз» бөбекжай бақшасының тәрбиешісі.