ҚАРЖЫЛЫҚ ПИРАМИДАЛАРДАН САҚ БОЛЫҢЫЗДАР!
Posted by: Қалмұрат
in Әлеумет, Қылмыс пен жаза
06/05/2022
32 Views
Қазіргі кезде еліміздегі «жауыннан кейінгі саңырауқұлақтай қаптап кеткен» түрлі қаржылық пирамидалары ел азаматтары үшін үлкен мәселеге айналып отыр.
Тәуелсіз зерттеулер соңғы кездері қарапайым халықтың әртүрлі қаржылық пирамидалардан қатты зардап шегіп жатқанын көрсетуде. Азаматтардың көпшілігі өздерінің бар жиған-тергендерін осындай қаржылық пирамидаларға салып, күнделікті күн көрістері нашарлап отыр. Ресми деректерге қарағанда бүгінгі таңда сол бағытта 65 қылмыстық іс қозғалса, зардап шегушілердің саны 3000 адамды құраған. Ал, сот органдарына жүгінбегендердің нақты саны қанша екені белгісіз…
2021 жыл мен 2022 жылдың алғашқы айларында 138 адам қылмыстық жауапкершілікке тартылған, соның ішінде 50-і сотталса, қалғандарымен тергеу істері жүргізіліп жатыр. Іс жүргізіліп жатқан уақытта айыпталған тұлғалардың жеке мүліктері уақытша тәркіленеді. ҚР ІІМ-нің айтуы бойынша, аса бір қауіп келтіріп тұрғаны, бұл қаржылық пирамидалардың басшылары шетел азаматтары. Сондықтан оларды елге әкеліп соттау мәселесінде біраз қиындықтар туындауда екен.
Қай елдің азаматы болмасын, алдап-арбау жолымен қыруар ақшаны иемденіп отырғандар еліміздің заңдарының талаптарына сай өздерінің лайықты жазаларын алып, бәрі орнығады деген ойдамыз.
Аружан ҚҰМАРӘЛІ, 11 сынып оқушысы.
«Зерде» дарынды балалар мектебі, Екібастұз қаласы.
Алаяқтар Қаржылық пирамида Сақ болыңыз 2022-05-06
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
