ЕЛІМІЗДІҢ БАСТЫ ЗАҢЫ БЕКІТІЛГЕН КҮН!

         Құрметті отандастар! Сіздерді еліміздің ең маңызды мерекесі – Конституция күнімен құттықтаймыз! Осыдан жиырма жеті жыл бұрын, 1995 жылы тамыздың 30-ында Қазақстан халқы тарихи шешім қабылдап, еліміздің Конституциясы бекітілді. Осы уақыт ішінде Қазақстанның Ата заңы өзінің заман талабына лайықты екенін дәлелдеді. Құқықтық мемлекет орнатып, әлемнің өркениетті елдерімен жан-жақты экономикалық-саяси тең дәрежеде қарым-қатынас қалыптастыру, ірі реформаларды жүргізу, демократиялық принциптерді құрметтеу бәрі-бәрі Ата Заңымыздың аясында атқарылып жатқан шаруа.

        Коституция қабылданғаннан бергі өткен уақыт – тарихи өлшемдер тұрғысынан аз болғанымен, біз үшін ол өткен жолымызды ой елегінен өткізу мүмкіндігі берілген кезекті кезең болып табылады. Алайда, уақыт бір орнында тұрмайды. Елімізді одан әрі саяси және экономикалық жаңғыртудың туындаған объективті қажеттілігі конституциялық өзгерістер жүргізуді көлденең тартты. Үстіміздегі жылдың 5 маусымында бүкіл халықтық референдум арқылы Конституциямызға енгізілген өзгерістер нәтижесінде мемлекеттік билік жүйесін одан әрі демократияландыруды қамтамасыз етті, елімізде демократияның өрісі кеңейіп, президенттік-парламенттік басқару жүйесі өмірге келді. Жергілікті өзін-өзі басқару органдары – мәслихаттардың рөлі артты, халықтың жергілікті жерлердегі маңызды мәселелерді дербес шешуін қамтамасыз етуге мүмкіндік туды.

         Бүгінгі таңда жаңартылған Конституция негізінде елімізде жаңа құқықтық жүйе қалыптасуда. Қабылданған заңдар қоғамдық қатынастардың негізгі жақтарын реттеп, еліміздің әлемдік деңгейдегі орны жоғарлауда.

         Түркістан облысы Мақтаарал ауданында орналасқан «Жетісай өңірлік мемлекеттік архиві» КММ ұжымы қазақстандықтарға, көп ұлтты елімізге бірлік, тыныштық, ашық аспан, береке мен азаматтық жауапкершіліктің көтерілуін, қоғамдық тұрақтылық тілейді.

Пакизат КАДЫРБЕКОВА,

Жетісай өңірлік мемлекеттік архивінің архивисі.