«БІРЛІК ПЕН ЫНТЫМАҚ» ТАҚЫРЫБЫНДА ИВАНОВКА АУЫЛЫ ТҰРҒЫНДАРЫМЕН КЕЗДЕСУ ӨТТІ
Posted by: Қалмұрат
in News, PRESS RELEASE, Жаңалықтар, Саясат
22/09/2025
122 Views
Абай облысы бойынша «Ауыл» партиясының өңірлік филиалының төрағасы бастаған өкілдер Бородулиха ауданына қарасты Ивановка ауылында тұрғындармен кездесу өткізді. Жиынның басты тақырыбы – «Бірлік пен ынтымақ».
Кездесуге өңірлік филиал төрағасы Қ.Смағұлов, Петропавловка ауылындағы «Бастауыш партия ұйымының» жетекшісі Қ.Байболов және партия мүшелері қатысты. Олар ауыл тұрғындарына партияның негізгі мақсаты мен атқарып жатқан жұмыстары туралы түсіндіріп, Президент Қасым-Жомарт Тоқаевтың 2025 жылға арналған Қазақстан халқына Жолдауындағы маңызды бағыттарды айтып берді.
Қ.Смағұлов ауыл шаруашылығы, жергілікті кәсіпкерлік пен инфрақұрылымды дамыту мәселелеріне тоқталып, өз ұсыныстарын бөлісті. Ол «Ауыл» партиясының басты міндеті – ауыл еңбеккерлерін қолдау және елді мекендердің жағдайын жақсарту екенін атап өтті.
Кездесу барысында, ауыл тұрғындары өз ой-пікірлерін ортаға салып, елді мекеннің дамуына қатысты түрлі мәселелерді талқылады.
«Ауыл» партиясы Абай облысы бойынша өңірлік филиалының баспасөз қызметі.
2025-09-22
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
