АУЫЛДЫҚ МЕКТЕП КІТАПХАНАСЫНДА «КІТАПҚА — ЕКІНШІ ӨМІР СЫЙЛА» АКЦИЯСЫ ӨТТІ

        2025 жылдың 12 желтоқсан күні, Ново-Покровка ауылы мектебінің кітапханасында «Ауыл» партиясы Абай облысы бойынша өңірлік филиалының ұйымдастыруымен «Кітапқа – екінші өмір сыйла» акциясы өтті.

       Шараға партия өкілі Е.Омарғалиев қатысып, мектеп кітапханасына құнды әдеби жинақтарды табыстады. Атап айтсақ, оның ішінде: қазақ классикалық проза шебері Қ.Жұмәділовтың туындысы, балалар әдебиетінің белгілі өкілі Б.Соқпақбаевтың кітаптары, айтыскер ақын Д.Омарбаеваның шығармалар жинағы, Қайрат Сабырбайдың кітабы, прозашы Қ.Қиықбайдың кітабы, жазушы Р.Отарбаевтың туындысы және басқа да ақын-жазушылардың еңбектері бар. Сонымен қатар, орыс әдебиетінің көрнекті өкілдері А.С.Пушкин, Н.Некрасов, М.Лермонтов және басқа қаламгерлердің кітаптары, мал дәрігерлік оқулығы, орыс әдебиетінің оқулығы мектеп кітапханасының қорына берілді.

       Жалпы акция барысында, 50-ге жуық кітап сыйға тарту етілді.

       Шараға бастауыш сынып оқушылары қатысып, мектеп кітапханашысы Макенова Асемгуль Едигарымовна партия тарапынан көрсетілген қолдау үшін алғыс білдіріп, алдағы жұмыстарына табыс тіледі.

        Іс-шара соңында, қатысушылар естелік суретке түсіп, жылы лебіздерімен тарқасты.

«Ауыл» партиясы Абай облысы бойынша өңірлік филиалының баспасөз қызметі.