Эстафеталық сайыс

        Сабақтың мақсаты:   Салауатты өмір салтын насихаттай отырып эстафета спорттық ойынын дамыту. Оқушылардың дене дайындығын арттырып, денсаулығын күшейту сымбаттылыққа, ептілікке тәрбиелеу болса,  сабақтың көрнекіліктері: шар,  доп, кедергілер, арқан, самокат,  картоп,  ағаш қасық, картон, қап, есептер жазылған парақтар мен матрас болды.

Денсаулық — бар байлығың басыңдағы,
Жайнаған өміріңнің жасыл бағы
Қастерлеп аяласаң, мәпелесең,
Бойыңнан кетпес қуат жасыңдағы
Денсаулық қашаннан да алтынға тең,
Болады болашағың жарқын да кең! — деп бүгінгі эстафеталық жарысымызды бастадық.

          Бастауыш сынып оқушылары  қатысқан осы эстафеталық жарысымыз ешбір спорттық ойындардан кем емес жағдайда болып өтті. Мұнда тартысты ойын да, оларға қыздардан құралған қолдау білдіруші топ та болды.

      «Эстафеталық Жарыс/Кедергілер Арасымен жүгіріп өту». «Калькулятор Ойыны». «Кедергілердің арасымен жүріп барып,есеп шығару».  «Кедергілер арасымен доппен жүгіріп барып, қайту». «Самокатпен жарыс». «Кедергілер арасымен жүру». «Повар ойыны /картопты  қасықпен қазанға тасу». «Сынық көпір» . «Екі картон қағаз көмегімен белгілі жерге жетіп,қағазды қолына алып артқа келеді». «Қаппен жүгіру кім жылдам». «Столмен сырғу, төсенішке аунап, қайтарда жүгіріп келу». «Капитандар сайысы». «Арқан тартыс» – атты бөлімдерден тұратын жарыс барысында шәкірттеріміз барын салып, өздерінің қаншалықты шымыр да мықты екенін көрсетті.

       Тартысты әрі қызықты өткен жарыс соңында жақсы ойын өрнегін көрсеткен оқушщылар марапатталды.

     Венера ОНГАРБАЕВА,

Қ.Дәрімбаев атындағы №41 ЖББМ КММ бастауыш сынып мұғалімі.

Жетісай ауданы.