ЗАЙЫРЛЫЛЫҚ ЖӘНЕ ДІНТАНУ

«Мақтаарал» мәдениет үйінде аудандық Ішкі саясат бөлімінің ұймдастыруымен «Зайырлылық және дінтану» тақырыбында, ауданымыздың мектептеріндегі «Дінтану» пәні мұғалімдеріне арналған жиын болып өтті.
Бұл жиынды аудан әкімінің орынбасары Алтын Күнтуқызы ашып, жүргізіп отырды. Алғысөзінде А.Ешанқұлова еліміздегі «Қаңтар оқиғасы» кезінде біздің ауданымызда наразылық білдіргендер тек әлеуметтік талаптар қойып, бәрі де бейбіт түрде өткенмен, еліміздің кейбір өңірлерінде жағдайдың өте күрделі болғанын, сол жерде көбінесе жат діни ағым ұстанушылардың көзге түскенін айтып өтті. Қазірде аудан көлемінде діни тұрақтылықты сақтау мен радикализм және діни экстремизмді болдырмауға байланысты атқарылып жатқан жұмыстарға қысқасы тоқталып кетті.
Түркістан облысы әкімдігінен келген теолог-маман Бағдат Шәймерден баяндамасын зайырлылық мен діни мемлекеттің айырмашылығын түсіндіріп берді. Бүгінде облыс бойынша 756 мешіт, 33 православия және католик шіркеуі мен 100-ге тарта намазхана барын, еліміздегі діни ұйымдар өз қызметін бірінші кезекте Ата Заң баптарына және 2011 жылы қабылданған «Діни қызмет және діни бірлестіктер туралы» ҚР Заңын басшылыққа алатынын атап көрсетті.
Б.Шәймерден баяндамасында сонымен бірге елімізде қазіргі уақытта салафиттік ағым ең өзекті бағыт болып отырғанын, оның басқа ағымдардан айырмашылығы, сол бағытты ұстанатындарды қалай ажыратуға болатынын, олардың кім кию үлгілеріне дейін тәптіштеп түсіндірді.
Одан кейін трибунаға сөзге шыққан «дінтану» пәнінің мұғалімі Бауыржан Акбаров пен басқа да үстаздар өз баяндамаларында бұл бағытта атқарылып жатқан жұмыстар мен проблемалар туралы баяндады.

Қалмұрат ДӘУЛЕТБАЕВ.