ВИНЧЕСТЕРДІҢ ЖҰМБАҚ ҮЙІ (WINCHESTER MYSTERY HOUSE)

      Қайда орналасқан: Сан-Хосе, Калифорния, АҚШ

      Адам қолымен жасалған әлемдегі ең оғаш жерлердің бірі — Винчестердің жұмбақ үйі болып табылады. 1922 жылдан бастап ол көпшілікке ашық және барлық паранормальды әуесқойлар үшін нағыз «қасиетті орын» ретінде қызмет етеді. Оның иесі – әйгілі қару-жарақ магнаты Уильям Винчестердің жесірі Сара Винчестер болды. 1886 жылы ол Сан-Хосе қаласында 8 бөлмелі екі қабатты ферма үйін сатып алған болатын. Оны өз қалауы бойынша қайта құруға бел буған Сара 1886 жылдан 1922 жылға дейін қайтыс болғанға дейін созылған тарихтағы ең ұзақ мерзімді тұрғын үйді жөндеуді бастады. Нәтижесінде 160 бөлме, 13 ванна бөлмесі, 6 ас үй, 17 мұржа, 2000 есік және 10 000 терезе бар 2230 шаршы метр үлкен және ретсіз салынған сарай пайда болды.

       Бұл құрылым «Архитектуралық қызығушылық» ұғымының нақты көрінісі саналады. Сара Винчестер кәсіпқойлардың қызметінен бас тартты және барлық өзгерістерді өз бетінше жоспарлаумен айналысты, егер ол нәтижеге қанағаттанбаса, ортасында белгілі бір жобаларды жүзеге асырудан оңай бас тартқан. Нәтижесінде,  Америкадағы сол кездегі ең үлкен зәулім үй деп саналған ғимарат сансыз дәліздері, жасырын өткелдері, ешқайда апармайтын баспалдақтары және тиффаниден ешқашан жарық түспеген сәнді витраждары бар лабиринт дұниеге келді.

       Сара Винчестердің үйін үнемі қайта құруға не себеп болды? Ең танымал нұсқасы – осылайша ол Винчестер брендінің қаруынан өлтірілген рухтардан жасырынуға тырысты делінеді. Сара Винчестр ханым рухтарды шексіз өткелдерде шатастыруға тырысып, қатарынан екі рет бір жатын бөлмеде түнемеген екен. Бұл рас па, жоқ па, оны нақты ешкім білмейді, бірақ Винчестер сарайы қазіргі уақытта АҚШ-тағы ең танымал елес үй болып табылады.