АУДАН ЭКОНОМИКАСЫН АРЫ ҚАРАЙ ДАМЫТУҒА СЕПТІГІН ТИГІЗЕТІН КӘСІП

            Ағымдағы жылдың тамызында, Жетісай ауданының әкімі С.Мамытов бастаған жұмысшы топтың көршілес Өзбекстанға жасаған сапарында Андижандағы «Тұт көшеті кластері» мекемесінің басшысы, ауыл шаруашылық ғылымдарының докторы Абдуфаттах Мусырманкуловқа ауданға келіп, жергілікті кәсіпкерлермен семинар өткізіп берсеңіз деп ұсыныс жасаған болатын.

         Сол шақыртуды қабыл алған Абдуфаттах Мусырманкулов мырза жетісайлық кәсіпкерлермен кездесіп, жібек өндірісіне қажетті тұт көшетін өсіру бойынша арнайы семинар өткізді. Семинар кезінде аудан экономикасын ары қарай дамытуға мол септігін тигізетін жібек – жібек құртының пілләсынан өндіріліп, тоқыма-мата өнеркәсібінде пайдаланылатын табиғи талшық екені, содан өндірілген өнімнің келісін көршілес Өзбекстандық инвесторлар 600 теңгеге дейін сатып алатындықтарын айтылды.

          Мамандардың пікірінше асыранды жібек құрты барлық жібектің 90%-ын береді. Ал жібектің механикалық қасиеттері жоғары, әрі жақсы диэлектрик, 120 – 130°С ыстыққа төтеп береді, тек 160 – 170°С-та ғана ыдырай бастайды. Сондықтан, жасанды жібек өндірісін жолға қою – табысты арттырудың тиімді тәсілі болып табылады.

          Сонымен қатар, жиын барысында  «Ауыл аманаты» бағдарламасының VI бағыты бойынша жібек құртын өндіруге ниет білдірген тұрғындарға 2,5 пайызбен қаржылай көмек көрсетілу тетіктері, тұт ағашының қолдан өсірілетін (асыранды) құртынан және жабайы емен құртынан алынатын өндірістік жібек өндіру жолдары да түсіндіріліп, ертеде Қытайдан шығарылатын жібек маталар Ұлы Жібек жолы арқылы дүние жүзінің басқа аймақтарына таралып, саудагерлерге мол табыс әкелгені де айтылды.