САУАТТЫ ЖАРНАМА – ТІЛ ТАЗАЛЫҒЫНЫҢ АЙНАСЫ

           Жетісай ауданының мәдениет, тілдерді дамыту, дене шынықтыру және спорт бөлімінің «Тілдерді оқыту және дамыту орталығының» ұйымдастыруымен “Сауатты жарнама – тіл тазалығының айнасы” тақырыбында акция болып өтті.

          Акцияның негізгі мақсаты –  шағын және орта бизнес өкілдеріне сыртқы көрнекі ақпарат (жарнама) құралдарын әзірлеу барысында мәтіндерінің сауатты жазылуына, орналасуына әдістемелік көмек көрсету, Қазақстан Республикасының «Қазақстан Республикасындағы Тіл туралы» Заңының талаптарын түсіндіру және Қазақстан Республикасының тіл саясатын насихаттау болып табылады.

       Осы іс-шара барысында кәсіпкерлік нысан иелері мен қызметкерлеріне Қазақстан Республикасындағы «Тіл туралы» және «Жарнама туралы» Заң талаптары көрсетілген брошюралар тарқатылып, түсіндіру жұмыстары жүргізілді.

        Алдағы уақытта бұл акция өз жалғасын табатын болады.

Мөлдір БАЛХАШОВА,
Жетісай аудандық » Тілдерді оқыту және дамыту орталығы» КММ әдіскері.