БОЛАШАҚТА ЖЫЛЫНА МИЛЛИОНДАҒАН АНДРОИДТАР ШЫҒАРЫЛАТЫН БОЛАДЫ

       «Tesla AI Day 2022» іс-шарасында «Tesla» компаниясының бас директоры Илон Маск, көпшілікке  «Optimus Android» роботының прототипін көрсетті.  деп хабарлайды  Reuters агенттігі.

       «Tesla»  компаниясы алдағы жылдары миллиондаған осындай роботтарды саудаға шығарып, оларды 20 000 АҚШ долларынан кем сомаға сатуды жоспарлап отыр. Илон Масктың айтуынша, Tesla роботтарына тапсырыс үш-бес жылдан кейін ашылады, ал болашақта осындай роботтардан түсетін табыс өз электромобильдерінен түсетін табыстан да жоғары болады.

        «Tesla» роботының келесі буыны компания әзірлеген компоненттерді, соның ішінде оның кеуде тұсында орналасқан 2,3 кВт / сағ. батарея жинағын (оның тәулік бойы ток көзінен зарядталмай еркін жұмыс істеуі үшін), чип жүйесін және аяқ-қолдарын басқару үшін жетектерді пайдаланады. Салмағы 73 кг. салмақты құрайтын  роботтар алдымен автомобиль шығаратын зауыттарда сынақтан өтетін болады.

        Таныстырылым барысында роботтың – Калифорниядағы компания өндірісінде өсімдіктерді суару, қораптарды тасымалдау және металл шыбықтарды көтеру сияқты қарапайым тапсырмаларды орындап жатқаны да  көрсетілді. «Optimus-ты жетілдіру үшін әлі де көп жұмыс істеу керек», «5-10 жылдан кейін ол өте қуатты болады» — деді танымал бизнесмен.

        Айта кетерлігі «Тойота мотор» мен «Хонда мотор» секілді әлемдік алпауыт компаниялар да адам тәріздес роботтар шығарып жатқандарымен тек  «Tesla» ғана гуманоид тәріздес роботтарды жыл сайын  миллондап шығаруды жоспарлауда.