ӨТКЕН ЖЫЛДЫҢ ОСЫ КЕЗЕҢІМЕН САЛЫСТЫРҒАНДА 102,1 % БОЛДЫ

Аудан экономикасы:

            Өнеркәсіп. Мақтаарал ауданы кәсіпорындары (шағын, қосалқы кәсіпорындар, үй шаруашылығы секторын қоса алғанда) 2022 жылдың қаңтар-шілдесінде  кәсіпорында қолданып жүрген бағамен 6128743 млн. Теңгенің өнімін шығарып, өнімнің нақты көлем индексі бойынша өткен жылдың осы мерзімімен салыстырғанда  81,3 % құрады.

           Ауыл шаруашылығы. 2022 жылдың қаңтар-шілдесінде  Мақтаарал ауданы бойынша ауыл шаруашылығы өнімдерінің жалпы көлемі 11366,7 млн. теңгені (қолданыстағы бағамен ) құрады, бұл 2021 жылмен салыстырғанда нақты көлем индексі 99,7 % болды. Оның ішінде өсімдік шаруашылығы бойынша 2414,5 млн. теңге, мал шаруашылығы бойынша 8945,5 млн. теңгені құрады.

           Сауда. Мақтаарал ауданы бойынша көтерме сауда 1786,7  млн. теңгені құрап өткен жылдың тиісті кезеңіне 105,9 %,  бөлшек сауда тауар айналымы 2704,5 млн. болып өткен жылдың осы кезеңімен салыстырғанда  102,1  % болды.

            Еңбек рыногы. Мақтаарал ауданы бойынша 2022 жылдың екінші тоқсанында ірі, орта және шағын кәсіпорындар, мекемелер мен ұйымдардағы жұмыс істейтін қызметкерлердің есепті саны 13,1 мың адамды құрады.

2022 жылғы  екінші  тоқсанына  қызметкерлерге есептелген орташа  айлық атаулы жалақы 248056 теңгені құрап, бұл 2021 жылғы екінші тоқсанына қарағанда

122,2 % құрады.

        Демографиялық процестер. 2022 жылдың 1 шілде  Мақтаарал ауданындағы халық саны 135536  мың адам, халықтың табиғи өсімі 1433  адам, туу- 1702  адам,  қайтыс болғандар  269  адам. Тиісті кезеңде некеге тұрғандар- 320  отбасы,  ажырасқандар-23. Осы кезеңде көші-қон бойынша келгендер 2316 адам, кеткендер- 2552 адам.

         Тұрмыс деңгейі. 2022 жылғы қаңтар-шілдеге Мақтаарал ауданы бойынша ең төмен күнкөріс деңгейінің шамасы, орта есеппен 2022 жылғы қаңтар-маусымымен салыстырғанда  100,0 % болып  және  40047 теңгені құрап отыр.

Р.АЙДАРОВ, 

Мақтаарал ауданының Статистика басқарма басшысы.