«AYALA», «CHEVRON»-МЕН БІРГЕЛІКТЕ СӘБИЛЕРДІ АЯЛАУДА

         Әлемдік деңгейдегі атақты «CHEVRON» компаниясы еліміздің аумағында көптеген әлеуметтік маңызы ерекше бағдарламаларды жүзеге асыруда. Сол бағытта компания атауы елімізге жақсы танымал «AYALA» қайырымдылық қорымен біргелікте бірнеше жылдан бері біршама сауапты жұмыстарды атқаруда.

        «CHEVRON» компаниясы мен «AYALA» қорының өзара ынтымақтастығының 12 жылы ішінде еліміздің түкпір-түкпіріндегі 80 денсаулық сақтау, білім беру және әлеуметтік қорғау ұйымдарына 541,2  миллион теңге мөлшерінде көмек көрсетілген екен.

        «AYALA» қайырымдылық қорының жобалар үйлестірушісі Меруерт Рысбекованың айтуынша – «AYALA» қайырымдылық қорының ұстанған басты мақсаты – Қазақстан Республикасында сәби және бала өлімі мен мүгедектігін барынша азайту болып табылады. Сол мақсатты қор екі кезеңмен жүзеге асыруда екен.

         I кезеңде: ҚР балалар ауруханалары мен перинаталдық орталықтарға арналған медициналық жабдықтарды сатып алу болса,  ІI кезеңде: Осы жабдықтармен  жұмыс істейтін дәрігерлерге оқыту арқылы біліктіліктерін арттыру курстарын ұйымдастыру жүзеге асырылған.

        Осы атқарылған жұмыстардың нәтижесінде балалар ауруханалары және перинаталдық орталықтарға арналған жаңа 170 медициналық бірлік құрал  алынса, неонатологтарға арналған тренингтер мен шетелдік мамандардан мастер-класстар өткізіліп, 300-ден астам мединалық қызметкер оқытылса, Корей профессорларының 50 кеңесі берілген.  Нәтижеде 2000-нан астам бала аман алынып қалынған! Яғни осынша отбасы қуанышқа бөленген деген сөз! Бұл үлкен жетістік!

        «AYALA» қоры тарапынан құрылған онлайн-академияда медициналық қызметкерлерге, нақты айтсақ дәрігерлер үшін қолжетімді 3 курс бар болса, дәрігерлер мен медбикелерге арналған қосымша тағы 4 курс әзірленуде. Бүгінде Қазақстанның түкпір-түкпірінен  сол курстарға 647 дәрігер қатысуға тіркелген  екен. Олар осы курстарда алған білімдерінің арқасында қаншама сәбилердің өмірін сақталынып қалары анық.

        «AYALA» қорына осындай сауапты жұмыстар атқаруға мүмкіндік жасаған «CHEVRON» компаниясы туралы ақпарат беріп кетсек:

        «CHEVRON» – әлемдегі жетекші интеграцияланған энергетикалық компаниялардың бірі. Ол қол жетімді, сенімді және таза энергия көркейген және тұрақты әлем құру үшін қажет деп санайды.

          «CHEVRON» компаниясы мұнай мен табиғи газымен бірге көлік отынын, ЖЖМ және мұнай химиясын өндіреді, сондай-ақ біздің бизнесіміз бен саламызды жақсартатын технологияларды әзірлейді. Компания өз қызметінде көміртекті сыйымдылығын төмендетуге және дәстүрлі бизнес бағыттарымен қатар төмен көміртекті бизнесті дамытуға баса назар аударады.  «CHEVRON» туралы қосымша ақпаратты компанияның www.chevron.com сілтемесі арқылы табуға болады.

Қалмұрат ДӘУЛЕТБАЕВ, журналист.